Pas mbledhjes së Qeverisë së Kosovës e cila është mbajtur online, ministri i Shëndetësisë, Arben Vitia ka mbajtur një konferencë për media, ku ka treguar rreth vendimeve të kësaj mbledhje që lidhen me masat e reja anti-Covid.

“Sipas raporteve të fundit të Institutit Kombëtar të Shëndetësisë Publike (IKSHPK), situata epidemiologjike me Covid-19 vazhdon në Kosovë, vazhdon të jetë jo stabile. Andaj kujdesi i vazhdueshëm dhe i mëtutjeshëm, duhet të na përcjell të gjithve, pa përjashtim”, tha Vitia.

Sipas tij, qeveria duke u bazuar në të dhënat aktuale të situatës epidemiologjike, ka bërë rishikimin e masave, ka ndërmarrë masa të reja, qëllimi i të cilave është ruajtja e shëndetit publik dhe parandalimi i shpërndarjes së Covid-19.

“Është vendosur që duke filluar nga data 27 shtator, procesi mësimor në institucionet parashkollore dhe të qëndrimit ditor të vazhdoj në përputhje me udhëzuesit e veçantë për institucionet arsimore të të gjitha niveleve. Procesi mësimor në institucionet e arsimit para universitar zhvillohet sipas skenarëve përkatës të përcaktuar në udhëzuesin për institucionet e arsimit, mirëpo parakusht është prania e jo më shumë se 20 nxënës në një klasë”, tha Vitia.

Po ashtu, ai bëri të ditur edhe ndryshimet që jkanë bërë sa i përket shërbimit të gastronomi

“Sa i përket gastronomisë, nga e hëna, klientët dhe stafi duhet të dëshmojnë njërën nga dëshmitë si certifikatën e vaksinimit, ose ndonjërën nga testet për Covid-19, në mënyrë që tu lejohet hyrja dhe shërbimi në hapësirat e mbyllura të lokalit. Nga e hëna në gastronomi lejohet shërbimi i 50 për qind të hapësirave të mbyllura, ndërsa në hapësirat e hapura lejohet shfrytëzimi i 70 për qind të kapacitetit të hapësirës”, u shpreh ministri Vitia.

Ora policore sipas Vitisë, vazhdon të jetë e njëjtë si deri tash, nga 22:00 deri në ora 05:00 të mëngjesit./arbresh.info/